ცნობილი უფლებადამცველი გიორგი თევზაძე, საკუთარ ფეისბუქგვერდზე განცხადებას ავრცელებს, სადაც აღშფოთებას გამოთქვამს, თურქეთის პრეზიდენტის მიერ, საქართველოსადმი იმ მიმართვის გამო, რომელიც ე.წ. მესხი თურქების საქართველოში ჩასახლებას შეეხება.
განცხადებაში აღნიშნულია, „რამდენადაც ვიცი, სტრატეგიული პარტნიორი ქვეყანა წაემოადგენს მეგობარს. როდესაც ეს სტრატეგიული პარტნიორი მოითხოვს პატარა ქვეყნისგან, რომლის ტერიტორიის 22%-ზე მეტი, ოკუპირებული აქვს რუსეთს, 1944 წელს, საქართველოდან გასახლებული თურქების დაბრუნებას… ამ გასახლებაში, საქართველოს ეროვნულ ხელისუფლებას მონაწილეობა არ მიუღია, რადგან საქართველო 1921 წლიდან, ოკუპირებული და ანექსირებული იყო რუსეთის ბოლშევიკების მიერ და ყველფერს საქართველოს დაუკითხავად, მოსკოვი წყვეტდა. ასე რომ, ერდოღანს შეუძლია, ბოლშევიკების პოლიტიკურ მემკვიდრეს, რუსეთს მოსთხოვოს 1944 წელს გასახლებული თურქების, რუსეთის ტერიტორიაზე ჩასახლება. მეორეს მხრივ, თურქეთს საქართველოსთან შედარებით, ათასჯერ მეტი ტერიტორია აქვს, შეუძლია თავისი თანაამემამულეები იქ, ანუ საკუთარ სამშობლოში დაასახლოს.
… და მესამე, თუ საქართველოს ხელისუფლება, რბილად რომ ვთქვათ, თავს შეიკავებს პირდაპირ უთხრას უარი თურქეთის ხელისუფლებას მათ მოთხოვნაზე, მაშინ, ჩაატაროს მოსახლეობაში პლებისციტი ერთადერთი კითხვით – ხართ თუ არა თანახმა, საქართველოში ჩამოსახლებული იქნენ „მესხი თურქები“. საქართველოს მოსახლეობის უმრავლესობის პასუხის მიხედვით, მიიღონ გადაწყვეტილება. საერთოდ, ოჯახში ახალი წევრის მიღება, ყველა წევრის თანხმობით ხდება. სახელმწიფოც ერთი დიდი ოჯახია“.